De böse Kaalche

 De Großbabba sitz in sei'm Stuhl
Unn schlooft und schnarcht so erdewuhl.
Do kummt e Mickche - sum sum sum -
Un fliegt'm um die Nas erum.
De kleene Kaalche regt des uff,
Er holt sein Schemel unn steigt nuff,

Di bösi Mick, na, waart emol,
Wie ich de Buckel dir versohl !
Grad kummt se an die Nas geloffe,
Er schwenkt die Plätsch un - bauf - getroffe !
Dod isch des arme Mickevieh,
Um Backe runner laaft die Brieh !

De Großbabba, der isch inzwische
Schnell uffgewacht unn hot gekrische.
Er hot im Gsicht e dicki Paus
Unn kloppt'm Kaal die Hose aus !
 

Gedicht und Bilder aus Ludwig Hartmann -
Kinnersprich vum Ludewig
1920 - Verlag E. Weinhold